看繪本學台語02：去深山林內採藍莓仔【附台語羅馬拼音好學習，台、華文雙語對照，CP值高】

P.1-2
 
有一日，小彼特準備 著兩個籃仔去深山林內，
ū tsi̍t li̍t sió Pí-Ti̍k tsún-pī kuānn-tio̍h nn̄g-ê nâ-á khì tshim-suann-nâ-lāi
 
伊想，一定愛採兩籃滿滿的可口藍莓仔和紅莓仔，
í siūnn it-tīng ài tshái nn̄g nâ muá-muá ê khó-kháu lâm-m̂-á hām âng-m̂-á
 
然後，將遮的莓果送予媽媽當做節日禮物。
liân-āu tsiong tsua--ê m̂-kó sàng hōo ma-ma tòng-tsò tseh-ji̍t lé-bu̍t
 
自按呢，伊滿心期待的出發矣。
tsū-án-ne í muá-sim kî-thāi ê tshut-huat--ah
 
但是，佗位才有藍莓仔呢？
tān-sī tó-uī tsiah-ū lâm-m̂-á--neh
 
P.3-4
 
伊揣啊揣，不禁煩惱起來。
í tshuē--ah tshuē put-kìm huân-ló khí-lâi
 
唉！伊按怎嘛揣無藍莓仔佇佗位。
haih í án-tsuánn mā tshuē bô lâm-m̂-á tī tó-uī
 
最後，伊佇一个樹腹頂頭坐落來，
tsuè-āu í tī tsi̍t ê tshiū-pak tíng-thâu tsē--lo̍h-lâi
 
伊忍袂牢，就開始流目屎矣。
 
í lún-bē-tiâu tō khai-sí lâu ba̍k-sái--ah
 
這時，有一个物件輕輕摸一下伊的跤，
tsit-sî ū tsi̍t ê mi̍h-kiānn khin-khin bong tsi̍t-ē í ê kha
 
佇伊的跤邊，竟然徛著一位真細隻的老阿公。
tī i ê kha pinn kìng-liân khiā-tio̍h tsi̍t-uī tsin sè-tsiah ê lāu-a-kong
 
「好矣，小彼特，你莫哭矣！我是藍莓森林的國王。
hó--ah sió Pí-Ti̍k lí mài khàu--ah guá sī lâm-m̂ sim-lîm -ê kok-ông
 
綴我來！做伙去我的藍莓森林！遐的藍莓仔已經熟矣！」
tuè guá lâi tsò-hué khì guá ê lâm-m̂ sim-lîm hia ê lâm-m̂-á í-king si̍k--ah